Psa 51 | VulgJ | STEP | in finem intellectus David victori ab erudito David

Psalms 51

1 in finem intellectus David ^va 2 cum venit Doec Idumeus et adnuntiavit Saul et dixit venit David in domo Achimelech ^va 3 quid gloriatur in malitia qui potens est iniquitate ^va 4 tota die iniustitiam cogitavit lingua tua sicut novacula acuta fecisti dolum ^va 5 dilexisti malitiam super benignitatem iniquitatem magis quam loqui aequitatem diapsalma ^va 6 dilexisti omnia verba praecipitationis linguam dolosam ^va 7 propterea Deus destruet te in finem evellet te et emigrabit te de tabernaculo et radicem tuam de terra viventium diapsalma ^va 8 videbunt iusti et timebunt et super eum ridebunt et dicent ^va 9 ecce homo qui non posuit Deum adiutorem suum sed speravit in multitudine divitiarum suarum et praevaluit in vanitate sua ^va 10 ego autem sicut oliva fructifera in domo Dei speravi in misericordia Dei in aeternum et in saeculum saeculi ^va 11 confitebor tibi in saeculum quia fecisti et expectabo nomen tuum quoniam bonum in conspectu sanctorum tuorum

^va